Yangiliklar: Sentyabr 2023

Universitetda joriy yilning 25-sentabr kuni O‘zbekiston Respublikasi Oliy Majlis Senatining Mudofaa va xavfsizlik masalalari qo‘mitasining 2023-yil
25-maydagi “Yoshlarni harbiy-vatanparvarlik ruhida tarbiyalash va din niqobi ostida ularni radikallashtirishga urinishlarning oldini olish borasidagi ustuvor vazifalar” mavzusida davra suhbatidagi ishlab chiqilgan tavsiyalar asosida “Ipak yo‘li” turizm va madaniy meros xalqaro universitetida soha mutaxassislari ishtirokida uchrashuv o‘tkazildi.

Ma’lsumki, bugungpi kunda yoshlarda yot g‘oyalarga qarshi mafkuraviy immunitetni shakllantirish hal qiluvchi ahamiyatga ega ekanligini inobatga olgan holda bu borada tizimli uchrashuvlar tashkil qilinib kelinayapti.

Shuningdek Vazirlar Mahkamasining qarori bilan tasdiqlangan yoshlarni harbiy-vatanparvarlik ruhida tarbiyalash konsepsiyasi asosida ham ushbu yo‘nalishlardagi ishlarni mutlaqo yangi bosqichga olib chiqish maqsadida akademik guruhlardagi ishlar yangi bosqichga olib chiqilmoqda.

O‘tkazilgan uchrashuv davomida universitet “Odob axloq Kodeksi” da belgilangan kiyinish va tartib qoidalar bo‘yicha ham qo‘shimcha ma’lumotlar berildi.

27 sentyabr - Butunjahon turizm kuni munosabati bilan “Ipak yo‘li” turizm va madaniy meros xalqaro universitetida oliygoh xotin-qizlar kengashi tomonidan                 “Milliy liboslar kuni” tashkil etildi.

Erta tongdan barcha talaba-qizlar, ustozlar faxr bilan milliy matolarimizdan tikilgan zamonaviy uslubdagi go‘zal bejirim liboslarda universitetga tashrif buyurdilar. Oʻzgacha bayramona kayfiyat, yorqin ranglar va milliy musiqalar uygʻunligi barchaning kayfiyatiga oʻzgacha koʻtarinkilik baxsh etdi.

          Hatto xorijlik mehmonlar ham bu ajoyib milliy liboslar kuni aksiyasida  o‘zbek milliy liboslarini kiyishdi. An'analarimizdan hayratga tushgan xorijliklarning fikrlarini tinglab, o‘zbekligingizdan iftixor tuyasiz. Bir so‘z bilan aytganda milliy liboslarimiz xorijliklarni ham lol qoldirdi.

Milliy qadriyatlarni ulug‘lashga qaratilgan ushbu tadbirda universitetning barcha professor-o‘qituvchilari, xodimalari va talabalari kun davomida “Butunjahon turizm kuni” hamda “Milliy liboslar kuni” tadbirlarini yuqori kayfiyatda o‘tkazishdi.

Joriy yilninig 25-sentabr kuni O‘zbekiston Respublikasi Yoshlar siyosati va sport vazirligi huzuridagi Yoshlar ishlari agentligi Samarqand viloyati, Yoshlar ishlari boshqarmasi, “Ipak yo‘li” turizm va madaniy meros xalqaro universiteti va O‘zbekiston volontyorlari assotsiatsiyasi o‘rtasida o‘zaro kelishuv memorandumi imzolandi.

Memorandumni imzolashdan asosiy maqsad, talabalar o‘rtasida volontyorlik faoliyatini tashkil etishga qaratilgan fuqarolik tashabbuslarini rivojlantirish, insonparvarlik, bag‘rikenglik hamda hamjihatlilikni qo‘llab-quvvatlash hamda volontyorlarning huquq va manfaatlarini himoya qilishdan iborat.

Mamlakatimizda volontyorlik faoliyatini yanada qo‘llab-quvvatlash maqsadida, “Volontyorlik faoliyati to‘g‘risida”gi qonun qabul qilingan. Unga ko‘ra, volontyorlik orqali kam ta’minlanganlarga, ko‘p bolali oilalarga, boshpanasizlarga yordam ko‘rsatish, bemorlarni, nogironligi bo‘lgan shaxslarni, qariyalarni parvarishlash, sport, madaniy va boshqa tadbirlarni tashkil etishga ko‘maklashish hamda xayriya ishlari amalga oshiriladi.

O‘zbekiston Respublikasining “Davlat-xususiy sheriklik to‘g‘risida”gi Qonuni hamda O‘zbekiston Respublikasi Vazirlar Mahkamasining 2021-yil 9-sentabrdagi “Respublika oliy ta’lim muassasalarida talabalarni turar joy bilan qamrab olish darajasini oshirish chora-tadbirlari to‘g‘risida”gi 563-sonli qaroriga asosan “Ipak yo‘li” turizm va madaniy meros xalqaro universiteti uchun universitet huzuridagi Samarqand shahri, Turkiston ko‘chasi 12-uy manzilida joylashgan Samarqand turizm va madaniy meros texnikumi hududida davlat-xususiy sherikligi shartlari asosida 400 o‘rinli talabalar turar joyi qurilishi belgilangan. Talabalar turar joyini qurish, jihozlash,foydalanish,xizmat ko‘rsatish va qaytarish bo‘yicha xususiy tashabbuskor “Z-P-A” oilaviy korxonasi bilan universitet o‘rtasida 2023-yil 16-iyun sanasida №37-2023-sonli bitim imzolandi. Ekspertiza xulosasiga ko‘ra, ushbu loyihaning umumiy qiymati 25 527 529 795 so‘m bo‘lib, shundan 13 527 529 795 so‘m qismi tadbirkorning o‘z mablag‘lari hisobidan, 12 000 000 000 so‘m qismi esa davlat byudjetidan ajratiladigan subsidiya mablag‘lari hisobidan amalga oshirilmoqda.

Vazirlar Mahkamasining 2022-yil 6-may sanasidagi “Talabalar turar joylarini davlat-xususiy sheriklik shartlari asosida qurish uchun O‘zbekiston Respublikasi davlat budjetidan subsidiya ajratish tartibi to‘g‘risidagi nizomni tasdiqlash haqida”gi 239-sonli qaroriga asosan talabalar turar joyini qurish uchun tegishli tartibda davlat subsidiyasi mablag‘lari ajratilish bo‘yicha universitet tomonidan Oliy ta’lim, fan va innovatsiyalar vaziligiga 2023-yilning 6-iyul sanasida 810-sonli xat bilan murojaat qilindi.

2023-yilning 26-iyul sanasida davlat subsidiyasining 4 000 000 000 so‘m miqdordagi qismi Oliy ta’lim, fan va innovatsiyalar vaziligi tomonidan moliyalashtirildi va universitetning maxsus hisob raqamiga o‘tkazib berildi.

Yuqoridagi qaror bilan tasdiqlangan nizomning 12-bandiga asosan                 2023-yilning 28-iyul sanasida 3 829 129 469 (25 527 529 795 so‘m 15%)  so‘m miqdordagi mablag‘ xususiy sherikning maxsus hisob raqamiga o‘tkazib berildi. Shundan so‘ng, Vazirlar Mahkamasining 2022-yil 6-may sanasidagi 239-sonli qarori bilan tasdiqlangan nizomning 12-bandi 2-xatboshi hamda  2023-yil                         7-sentabrdagi №1 sonli bajarilgan ishlar dalolatnomasiga asosan 2023-yilning                 29-sentabr sanasida 4 170 870 531  so‘m miqdordagi qo‘shimcha mablag‘ xususiy sherikning maxsus hisob raqamiga o‘tkazib berildi.

Odobi go‘zal, bilimi chuqur, tafakkuri yuksak, mushohadasi keng, mas’uliyatni teran his etadigan, jamiyat ravnaqiga xizmat qilishni o‘z oldiga maqsad qilib qo‘ygan

AZIZ TALABA QIZLARIM!

Sizlarni “Zulfiya nomiagi davlat mukofoti”ning universitet bosqichiga ishtirok etishga taklif qilamiz.

Tashabbusingizni kutamiz!

3-oktabr 2023-yil     Soat: 13.00        faollar zali

 UNIVERSITET XOTIN-QIZLAR KENGASHI

2023-yil 19-sentabr kuni “Ipak yo‘li” turizm va madaniy meros xalqaro universitetida “ORIENTATION DAYS” tadbirlari doirasida “Talaba FEST” tadbiri  o‘tkazildi.  Mazkur festival talabalarning bo‘sh vaqtini mazmunli o‘tkazish, yoshlarning badiiy salohiyatini rivojlantirish, teatr, musiqa, san’at  hamda ta’lim olayotgan turli millat vakillari o‘rtasida do‘stlik aloqalarini yana mustahkamlashga yo‘naltirilgani bilan tadbir ishtirokchilarida katta qiziqish uyg‘otdi. Ayniqsa, intellektual o‘yinlar va raqs turnirlari barchaga manzur bo‘ldi. Festival tadbiri doirasida talabalar uchun KARAOKE-TIME tashkil etildi.

“Talaba FEST” tadbirida universitet talabalari o‘z iqtidorlarini namoyon etib, tashkil etilgan tanlov musobaqalarida faol ishtirok etishdi. Ko‘tarinki ruhda o‘tgan bayram tadbiri talabalarning darsdan bo‘sh vaqtlarini mazmunli ҳamda ko‘ngilli o‘tkazish, ularning ma’naviy va madaniy saviyasini oshirish, san’atga bo‘lgan ishtiyoq va qiziqishlarini yuksaltirishga xizmat qiladi.  

Joriy yilning 23-sentabr kuni Xitoy Xalq Respublikasining Madaniyat va turizm vaziri o‘rinbosari va Xitoy milliy madaniy merosi boshqarmasi raisi Janob Li Chun boshchiligidagi delegatsiya “Ipak yo‘li” turizm va madaniy meros xalqaro universitetiga tashrif buyurdi.

Yuqori lavozimli mehmonlarni Turizm qo‘mitasi raisi Umid Shadiev va universitetning o‘quv ishlari bo‘yicha Birinchi prorektori
J.Eltazarov kutib oldi. Uchrashuvda Turizm qo‘mitasi raisi U.Shadiev ikki davlat o‘rtasida turizm salohiyatini rivojlantirish bo‘yicha amalga oshirilayotgan ishlar to‘g‘risida va kelajakda kadrlar yetishtirish, hamda malaka  oshirishda Xitoylik mutaxassislarni ko‘proq jalb qilish muhim ahamiyatga ega ekanligini alohida  ta’kidladi.

Delegatsiya mehmonlari “Ipak yo‘li” turizm va madaniy meros xalqaro universitetida yaratilgan shart-sharoitlar bilan tanishishdi. Shu o‘rinda, janob Li Chun Xitoy Hukumati O‘zbekiston bilan hamkorlik aloqalarini yanada rivojlantirishga tayyor ekanligini aytib o‘tdi.

      Hurmatli universitetimiz xotin-qizlaridan iborat professor-o‘qituvchilari hamda xodimlari joriy yilning 28- sentabr kuni “Tarix va madaniy meros” kafedrasi hamda xotin-qizlar kengashi tomonidan “Xon atlas” festivali tashkil etiladi. Ushbu festivalda asrlar davomida o‘z jilosini yo‘qotmagan milliy liboslarimiz, milliy qadriyatlarimiz va milliy ananalarimiz tarannum etiladi. Universitetimizning barcha xotin-qizlari, sizlar uchun challenge e’lon qilamiz! Barchangizni milliy libosda kelishingizni kutib qolamiz!

O‘zbekiston Respublikasi Prezidentining 2018-yil 3-fevraldagi “O‘zbekiston Respublikasi turizm salohiyatini rivojlantirish uchun qulay sharoitlar yaratish bo‘yicha qo‘shimcha tashkiliy chora-tadbirlar to‘g‘risida”gi PF-5326-son Farmonida  belgilangan vazifalar ijrosini ta’minlash hamda universitet talabalarini O‘zbekistonning boy turizm salohiyati bilan yaqindan tanishtirish maqsadida жoriy yilning 20-sentabr kuni “Ipak yo‘li” turizm va madaniy meros xalqaro universiteti 1-bosqich talabalari uchun, universitet tyutorlari G.Husainova, S.Abbasova, universitet boshlang‘ich tashkilot Kengashi yoshlar yetakchisi S.Haydarov, universitet Talabalar Parlamenti Prezidenti va  a’zolari tomonidan Samarqand shahri bo‘ylab amaliy sayohat tashkil etildi.