Har bir insonning hayotida bir kun bo‘ladiki, u kelajak eshiklarini ochadi. Bugun 27-mart kuni Kattaqo‘rg‘on shahridagi Korean academy o‘quv markazining 50 nafar o‘quvchisi universitetimizga tashrif buyurdi.
Ular nafaqat universitetga tashrif buyurishdi — balki ular kelajaklari bilan tanishdi. Universitetning faoliyati, talabalar uchun yaratilgan sharoit, zamonaviy laboratoriyalar va xalqaro hamkorlik darajasi ularning ko‘z o‘ngida yangi bir olamni kashf etdi.
Asosiy e’tibor esa abiturientlarni qiziqtirgan muhim savollarga qaratildi: “Qanday qilib grant asosida o‘qish mumkin?”, “Qaysi yo‘nalishlar eng zamonaviy?”, “Talabalar uchun qanday imtiyozlar mavjud?”. Bu savollarga to‘liq va batafsil javob olgan yoshlar, shuningdek, universitet hayotining barcha jihatlari — auditoriyalar, sport inshotlari, ko‘p millatli muhit va kutubxona bilan yaqindan tanishish. Havas ortidan orzuga intilish yoshlarning ko‘ngliga bir olam maqsadni qo‘ydi.
