25-sentabr kuni Samarqand davlat pedagogika institutida 1-oktabr — O‘qituvchi va murabbiylar kuniga bag‘ishlab, Samarqand viloyatidagi oliy ta’lim muassasalari talabalari o‘rtasida sportning kurash turi bo‘yicha viloyat birinchiligi musobaqasi tashkil etildi.

Musobaqada “Ipak yo‘li” turizm va madaniy meros xalqaro universitetining 1-bosqich talabasi Xudoyqulova Sheyxa 52 kg vazn toifasida muvaffaqiyatli ishtirok etib, III o‘rinni egalladi.

Ushbu natija universitetimiz talabasining sportdagi iqtidorini namoyon etib, yoshlar o‘rtasida milliy sport turlarini rivojlantirish va sog‘lom turmush tarzini targ‘ib etish yo‘lidagi muhim qadam bo‘ldi.