“Ipak yo‘li” turizm va madaniy meros xalqaro universitetida turizm sohasiga oid kreativ startap loyihalar taqdimoti bo‘lib o‘tdi.
Tadbirda universitet rektori M. Xolmuxamedov va Samarqand viloyat turizm boshqarmasi boshlig‘i J.Suyunov ishtirok etdi. Talabalar tomonidan ishlab chiqilgan innovatsion va amaliy ahamiyatga ega startap loyihalar namoyish qilindi.
Har bir loyiha turizmni rivojlantirish, yangi xizmatlar yaratish va mavjud imkoniyatlardan unumli foydalanishga qaratilgan. Tadbir yakunida eng istiqbolli loyihalar saralandi va ularni amaliyotga joriy etish, turizm bozoriga olib chiqish hamda tadbirkorlik subyektlari o‘rtasida keng targ‘ib qilish bo‘yicha kelishuvga erishildi.
Talabalar! Agar sizda ham turizm sohasiga oid innovatsion g‘oya va startap loyihalar bo‘lsa, universitet qoshidagi “Kreativ loyihalar inkubatori” guruhiga qo‘shiling va loyihangiz bilan faol ishtirok eting
