2026-yil 7-oktabr kuni universitetimizning kechki ta’lim shakli TH-126N guruhi talabalari uchun Samarqand shahrida joylashgan “AMANAT” mehmonxonasiga tanishuv ekskursiyasi tashkil etildi.

Ekskursiya davomida talabalar mehmonxonaning restoran faoliyati, xizmat ko‘rsatish jarayonlari hamda boshqa bo‘limlar ishi bilan yaqindan tanishdilar. Ushbu tashrif ularga mehmonxona faoliyatining o‘ziga xos jihatlarini amaliy jarayonda kuzatish, soha bo‘yicha nazariy bilimlarini mustahkamlash va kelajakdagi kasbiy faoliyatlari uchun zarur bo‘lgan tajribalarni o‘rganish imkonini berdi.

Bunday amaliy mashg‘ulotlar talabalarning kasbiy kompetensiyalarini rivojlantirish, soha faoliyatiga oid bilimlarini kengaytirish hamda nazariy bilimlarni amaliyot bilan uyg‘unlashtirishda muhim ahamiyat kasb etadi.

Universitetimizda ta’lim sifatini oshirish, talabalarni amaliy tajriba bilan boyitish va ularni kelajakdagi kasbiy faoliyatga tayyorlashga qaratilgan tashabbuslar izchil davom etmoqda.