24-aprel kuni universitetda Talabalar parlamentining faol a’zolari ishtirokida Rektor bilan ochiq muloqot bo‘lib o‘tdi.
Uchrashuvda Talabalar parlamentining bugungi kundagi faoliyati, amalga oshirayotgan loyihalari yuzasidan fikr-mulohazalar yuritildi. Muloqot davomida parlamentga bo‘lib o‘tadigan saylov, unga tayyorgarlik jarayonlari va munosib nomzodlarni ilgari surish masalalari ham atroflicha muhokama qilindi.
Universitet rektori Muhsinjon Xolmuxamedov Talabalar parlamenti a’zolariga universitet faoliyatida o‘z taklif va tashabbuslari bilan faol bo‘lish, talabalar o‘rtasida esa yetakchi kuchga aylanish zarurligini ta’kidladi.
Shuningdek, joriy yilning 18–21 aprel kunlari universitetda Harvard Yoshlar Liderlik Sammiti o‘tkazilishi rejalashtirilgani ma’lum qilindi. Sammitda Harvard universiteti professor-o‘qituvchilari, talabalari hamda ta’lim, iqtisod va siyosat yo‘nalishlarida mashhurlikka erishgan spikerlar ishtirok etishi kutilmoqda. Ushbu forumda ham Talabalar parlamenti a’zolari faol ishtirok etishi lozimligi alohida qayd etildi.
