Mamlakatimiz mustaqilligining 35 yilligi munosabati bilan universitetimizda tashkil etilayotgan “Mustaqillik soati” darslarining navbatdagisi Qatag‘on qurbonlari xotirasiga bag‘ishlandi. Dars davomida universitet dekani Nodir Xushvaqtov ma’ruza qilib, xalqimiz ozodligi va mamlakatimiz mustaqilligi yo‘lida fido bo‘lgan ma’rifatparvar ajdodlarimiz hamda qatag‘on qurbonlarining hayoti, jasorati va boy ma’naviy merosi haqida so‘z yuritdi. Shuningdek, talabalar o‘zlarini qiziqtirgan savollar bilan murojaat qilib, ularga batafsil javob oldilar.