O‘zbekiston Respublikasi Prezidenti qarori asosida universitetda tashkil etilgan "Gid-ekskursovodlarni tayyorlash kursi"ning navbatdagi 6-guruh tinglovchilari 2026-yil fevral-may oylarida tashkil etilgan o'quv-mashg'ulotlarida 16 hafta davomida intensiv, mazmunli va sifatli ta’lim dasturini o‘zlashtirdilar. Mashg‘ulotlar tajribali professor-o‘qituvchilar, malakali gidlar hamda turizm sohasi mutaxassislari tomonidan olib borildi.

Tinglovchilar nafaqat nazariy bilimlarga ega bo‘ldilar, balki Samarqand, Buxoro, Xorazm viloyatlari hamda Toshkent va Shahrisabz shaharlaridagi tarixiy-madaniy obyektlarda amaliyot o‘tash imkoniga ega bo‘ldilar. 6-guruh tinglovchilariga “Gid-ekskursovodlik” diplomlari hamda gidlik beyjiklari tantanali ravishda topshirildi. Shuningdek, kurs tashkil etilganidan buyon o'z bilim va ko'nikmalarini shogirtlariga berib kelayotgan professor-o'qituvchilar ham tashakkurnoma bilan taqdirlandi.

Ushbu muhim voqea nafaqat ularning mehnatiga berilgan yuksak baho, balki mamlakatimizda turizm sohasining barqaror rivojlanishiga munosib hissa qo‘shadigan yangi avlod mutaxassislarining shakllanayotganidan dalolat beradi.