Universitetimiz “Xalqaro biznes va kreativ iqtisodiyot” kafedrasi dotsenti v.b. N. Sultanova tomonidan talabalar uchun “Millat fidoyilari. Xotira va qadrlash” mavzusiga bag‘ishlangan ma’rifat darsi tashkil etildi.

Darsda har bir xalqning buyukligi – o‘z tarixini, fidoyilarini unutmasligida ekanligi alohida ta’kidlandi. Aynan shu tamoyil asosida O‘zbekistonda 9-may kuni “Xotira va qadrlash kuni” sifatida nishonlanadi. Ma’rifat darsining asosiy maqsadi – yoshlarda Vatanga sadoqat, millat fidoyilariga hurmat va minnatdorlik tuyg‘ularini shakllantirishdan iborat edi.

Dars davomida talabalar tarixiy va zamonaviy fidoyilar – xalq, Vatan, tinchlik va taraqqiyot yo‘lida xizmat qilgan insonlar hayoti bilan yaqindan tanishdilar. Ushbu uchrashuv yosh avlodning ma’naviy dunyoqarashini boyitish, ularda qadriyatlarga sodiqlik va fidoyilikka munosib hurmat ruhini tarbiyalashga xizmat qildi.