Xalqaro hamkorlik bo‘limi

“Ipak yo‘li” turizm va madaniy meros xalqaro universitetixalqaro akademik hamkorlikni rivojlantirish, ilmiy tadqiqotlarda ishtirok etish, talabalar va professor-o‘qituvchilar almashinuvini yo‘lga qo‘yish hamda turli xalqaro loyihalarda faol qatnashish orqali o‘zining global pozitsiyasini mustahkamlab bormoqda. Bizning Xalqaro hamkorlik bo‘limimiz universitetimizning xalqaro aloqalarini rivojlantirishga mas’ul bo‘lib, ta’lim va ilm-fanning globallashuvi jarayonida faol ishtirok etadi.

🎯Bizning asosiy vazifalarimiz:

• Universitetning xalqaro reytingini oshirish uchun strategik hamkorliklarni kengaytirish;

• Dunyo miqyosidagi nufuzli oliy ta’lim muassasalari, ilmiy markazlar va xalqaro tashkilotlar bilan o‘zaro manfaatli va barqaror hamkorlik aloqalarini yo‘lga qo‘yish;

• Xalqaro talaba va o‘qituvchilarni jalb qilish, ularning adaptatsiyasi va integratsiyasini ta’minlash;

• Akademik mobillikni (almashinuv dasturlari, qisqa muddatli o‘quv kurslari, yozgi maktablar) tashkil qilish va rivojlantirish;

• Ilmiy grantlar va xalqaro loyiha tanlovlarida ishtirok etish uchun muvofiqlashtiruvchi xizmatlarni taqdim etish;

• Madaniyatlararo muloqot muhitini shakllantirish va xalqaro tajriba almashinuvini qo‘llab-quvvatlash.

🤝 Hamkorlik shakllari:

“Ipak yo‘li” universiteti quyidagi yo‘nalishlarda xalqaro hamkorlikni amalga oshiradi:

1. Akademik hamkorlik:

• Ikki tomonlama va ko‘p tomonlama shartnomalar asosida qo‘shma ta’lim dasturlari (dual degree programs);

• Kreditlarni tan olish va uzviylashtirish asosidagi talabalar almashinuv dasturlari;

2. Ilmiy-tadqiqot hamkorligi:

• Ilmiy grantlar, xalqaro laboratoriyalar va qo‘shma ilmiy loyihalar;

• Hamkor universitetlar bilan birgalikda ilmiy maqolalar nashr qilish;

• Xalqaro konferensiyalar, simpoziumlar va forumlarda ishtirok etish.

3. Xalqaro akademik harakatchanlik:

• Talabalar almashinuv dasturlari (Erasmus+, Mevlana, ORHUN, DAAD va boshqa);

• O‘qituvchilar va ilmiy xodimlarning qisqa muddatli dars berish yoki malaka oshirish dasturlari;

• Ma’muriy xodimlar almashinuvi va malaka oshirish kurslari.

4. Madaniy va ijtimoiy loyihalar:

• Yozgi maktablar, xalqaro madaniyat kunlari, tillar festivali;

• Madaniy meros, turizm va san’at sohalarida xalqaro volontyorlik dasturlari;

• Global fuqarolik va xalqaro diplomatiya mavzularida trening va seminarlar.