2021-yil 1-iyun kuni “Ipak yo‘li” turizm xalqaro universiteti bazasida O‘zbekiston Respublikasi Turizm va sport vazirligi, O‘zbekiston Respublikasi mehmonxonalar uyushmasi ko‘magida mehmonxona menejerlari uchun birinchi amaliy seminar tashkil etildi.

Tadbirning maqsadi – turar joy binolarida xizmat ko‘rsatish sifatini oshirish, mehmonxonalarda kimyoviy moddalardan to‘g‘ri foydalanish, shuningdek, avtomatlashtirilgan bronlash tizimini joriy etish.
Tadbirda TravelLine xalqaro bronlashtirish tizimi va Amerikaning professional maishiy kimyo brendi Ecolab vakillari ishtirok etishdi.

Ta’kidlash joizki, 2021-yilda turizm sohasi oldida ko‘plab masalalar mavjud: mamlakatga sayyohlik oqimini ko‘paytirish, shu jumladan mavsumdan tashqari davrda, ushbu sohaga xususiy investitsiyalarni jalb qilish, yangi mehmonxonalar, dam olish maskanlari qurish, kadrlar tayyorlash, biznes jarayonlariga zamonaviy raqamli texnologiyalarni joriy etish. Barcha manfaatdor tomonlarni jalb qilgan holda ushbu muammolarga javoblarni ishlab chiqish sohadagi keng ko‘lamli va sifatli o‘zgarishlar uchun to‘g‘ri vektorni belgilaydi va professional hamjamiyatni birlashtiradi.

Shuningdek, ushbu tadbir doirasida universitet asosida yangi “Universitet 4.0” boshqarmasi taqdim etildi, uning vazifasi bilimlarni yaratish va tijoratlashtirish uchun infratuzilmani tashkil etish, shuningdek, rebrending va to‘g‘ri ishlashga ko‘maklashish, mehmonxonalar va restoranlarni to‘g‘ri olib borishdir.

Ushbu tadbir yetakchi xalqaro mutaxassislarni, shuningdek, butun Samarqand viloyatidan mehmonxonachilarni birlashtirgan mehmondo‘stlik sohasidagi zamonaviy tendentsiyalarni muhokama qilish maydonchasiga aylandi.