Prezidentimiz tomonidan ilgari surilgan “Dolzarb 90 kunlik” dasturi ijrosini ta’minlash, talaba-yoshlarning bo‘sh vaqtlarini mazmunli tashkil etish maqsadida joriy yilning 10-iyun kuni universitet suv havzasida mahalla va maktab o‘quvchilari uchun suzish to‘garagi faoliyatini boshladi.
Mazkur to‘garakda nafaqat universitet talabalari, balki atrofdagi mahalla va maktablarda tahsil olayotgan o‘quvchilar ham muntazam qatnashmoqda.
To‘garak mashg‘ulotlari malakali murabbiylar tomonidan olib borilib, ishtirokchilarga suzishning asosiy texnikalari, xavfsizlik qoidalari va suvda o‘zini tutish bo‘yicha amaliy ko‘nikmalar o‘rgatilmoqda. Bu tashabbus orqali yoshlarning bo‘sh vaqtlari mazmunli tashkil etilib, ular sportga jalb qilinmoqda. Dastur doirasida ishtirokchilar bilan suzish bo‘yicha turli musobaqa va ko‘rik-tanlovlar o‘tkazish, hududdagi yoshlar o‘rtasida sportni ommalashtirish rejalashtirilgan.
