E’LON!

Lavozim nomi: Ilmiy-innovatsion ishlanmalarni tijoratlashtirish bo‘yicha yetakchi mutaxassis.

Ma’lumot: Oliy (magistr, fan nomzodi yoki fan doktori ilmiy darajasiga ega bo‘lgan).

Mutaxassislik: Turizm, Tarix, Marketing, Iqtisodiyot (TOP-1000 ro‘yxatidagi OTMlarni tugatgan nomzodlarga qo‘shimcha ball beriladi).

Mehnat staji: Ta’lim, ta’lim tarbiya sohasida kamida 3 yil ishlagan bo‘lishi shart.

Xorijiy tilni bilish darajasi: Rus va ingliz tillarini bilish. Ingliz tilidan IELTS 6,0 darajasidagi yoki davlat test markazi tomonidan beriladigan chet tilini bilish to‘g‘risidagi CEFR B2 darajasidagi sertifikatga ega bo‘lish.

Kompyuter savodxonligi: Microsoft Office (Word, Excel, Power point), ofis dasturlarini mukammal bilish, internet va ijtimoiy tarmoqlardan foydalana olishhamda Internet tarmog‘ida ishlash bo‘yicha amaliy ko‘nikmalarga ega bo‘lish.

Ilmiy-innovatsion ishlanmalarni tijoratlashtirish bo‘yicha yetakchi mutaxassisning lavozimining faoliyat yo‘nalishi va vazifalari:

Ilmiy tadqiqot va innovatsion ishlanmalarni aniqlash, ularning tijoratbopligini baholash va tijoratlashtirish imkoniyatlarini o‘rganish;

Innovatsion loyihalarni iqtisodiy, huquqiy va texnik jihatdan tahlil qilishda ishtirok etish;

Ilmiy va innovatsion faoliyat natijalarini amaliyotga joriy etish va bozorga chiqarish bo‘yicha ishlarni tashkil etish;

Innovatsion loyihalarni investorlarga, kompaniyalarga va boshqa manfaatdor tomonlarga taqdim etish va ular bilan hamkorlikni rivojlantirish;

Bozor talablari va zamonaviy texnologiyalar tendensiyalarini tahlil qilish asosida innovatsion yo‘nalishlarni belgilash;

Ilmiy ishlanmalar va texnologiyalar bazasini shakllantirish va yangilab borish;

Ixtirolar, patentlar va foydali modellarni tijoratlashtirish imkoniyatlarini ishlab chiqish;

Ilmiy-tadqiqot ishlanmalarini moliyalashtirish uchun grant va investitsiya loyihalarini tayyorlash va ularni ilgari surish;

Tijoratlashtirish loyihalarining reja va dasturlarini ishlab chiqish va amalga oshirishda ishtirok etish;

Mahsulot va texnologiyalarni sertifikatlashtirish, litsenziyalash va rasmiylashtirish jarayonlarida yordam ko‘rsatish;

Innovatsion ko‘rgazmalar, formlar va tadbirlarda ilmiy ishlanmalarni taqdim etish va targ‘ib qilish;

O‘z faoliyatini samarali tashkil etish uchun zarur bo‘lgan barcha axborot va hujjatlarga kirish huquqiga ega bo‘lish;

O‘z vazifalarini bajarish uchun bo‘lim rahbariyati va boshqa bo‘limlardan zarur ko‘mak so‘rash va olish;

O‘rnatilgan tartibda budjet va budjetdan tashqari manbalardan moliyalashtiriluvchi universitet ilmiy-tadqiqot ishlariga professor-o‘qituvchi, yordamchi va ishlab chiqarish xodimlarini, doktorantlarni, talabalarni, hamda chetdagi tashkilotlar mutaxassislarini jalb etish va buyurtmachilarga oliy ta’lim muassasasi taqdim etadigan xizmatlarni ko‘rsatish;

Universitet intellektual mulk ob’ektlarini huquqiy himoya qilish bo‘yicha ishlarni bajaradi, jumladan patentlashtirish uchun talablarni tayyorlash, rasmiylashtirish va taqdim etish hamda intellektual mulk ob’ektlarini O‘zbekiston Respublikasida va xorijda qayd etadi;

Qonuniyatchilikda nazarda tutilgan intellektual mulk ob’ektlari mualliflari bilan shartnomalar tuzishni tayyorlaydi va ta’minlaydi hamda ularni bajarilishini nazorat qiladi;

Boshqa bo‘linmalar bilan birgalikda universitet intellektual mulk ob’ektlariga huquqni uzatishni rasmiylashtirilish bo‘yicha ishlarni amalga oshiradi;

Universitet olimlari tomonidan yaratilgan ishlanmalar va ilmiy tadqiqot faoliyati (ITF) natijalari to‘g‘risida ma’lumotlarni yig‘ish, saqlash va ma’lumotlar bazasini shakllantirish, intellektual faoliyat natijalaridan samarali foydalanish bo‘yicha ishlarni amalga oshiradi;

ITF va innovatsion loyihalar natijalarini ilmiy-texnik, ilmiy-uslubiy va innovatsion potensiallarni ekspertizasini, tahlilini va baholashni tashkil etadi, eng muhim va raqobatdosh ishlanmalarni aniqlaydi;

innovatsion siklning barcha bosqichlarida ITF natijalariga huquqni uzatish va taqsimotini qamrab olgan holda intellektual mulkni boshqarish bo‘yicha tavsiyalar ishlab chiqarishni amalga oshiradi; 

texnologiyalarni transfer etish sohasida, innovatsion loyihalarni biznes rejalarni tayyorlashda, ITF natijalarning huquqiy himoyasini ta’minlashda, potensial investorlarni izlashda konsultativ xizmatlar ko‘rsatadi; 

universitet intellektual mulk ob’ektlaridan noqonuniy foydalanish faktlarni aniqlaydi va ko‘rsatilgan huquqbuzarliklarni bartaraf etishga va keltirilgan zararni qoplashga yo‘naltirilgan takliflarni ma’muriyatga chora ko‘rish uchun kiritadi;

universitetning intellektual mulk ob’ektlariga mulkiy huquqlarini himoya qilishda, hamda mualliflarning mulkiy va shaxsiy nomulkiy huquqlarini himoya qilishda ko‘maklashadi;

universitet xodimlari uchun intellektual mulk sohasida seminar-treninglar tashkil etadi;

universitet budjet loyihasiga kashfiyot va patent-litsenzion faoliyat bo‘yicha, innovatsion tadbirkorlik va texnologiyalar transferi bo‘yicha takliflar tayyorlaydi va kiritadi;

intellektual mulk ob’ektlardan foydalanish, ularni yaratish, himoya qilish bilan bog‘liq masalalarni to‘g‘risida hujjatlarni ishlab chiqadi.

O‘z xizmat faoliyati bilan bog‘liq bo‘lgan tashabbuslar bilan chiqish va ularni amalga oshirishda ishtirok etish;

Bo‘lim faoliyatiga taalluqli normativ-huquqiy hujjatlar bilan tanishish va ularning ijrosini talab qilish;

Innovatsion loyihalarni baholashda mustaqil fikr va xulosalar bildirish;

Ilmiy-innovatsion ishlanmalarni to‘g‘ri tahlil qilish, ularning tijorat qiymatini aniqlash va tavsiyalar berish uchun javobgar;

Tijoratlashtirish loyihalarining sifatli va o‘z vaqtida bajarilishini ta’minlash;

Innovatsion loyihalar bo‘yicha axborotlarning maxfiyligini ta’minlash;

O‘z vaqtida va sifatli hisobotlar, tahlillar va ma’lumotnomalarni tayyorlash uchun javobgarlik;

Mehnat intizomini, ichki mehnat tartib-qoidalari, jamoa shartnomasi va mehnat muhofazasi qoidalari, yong‘in xavfsizligi qoidalariga rioya qilish.
“Ipak yo‘li” turizm va madaniy meros xalqaro universiteti

nomzodlarga quyidagilarni ta’minlaydi:

barqaror oylik maosh (ustama haqi mavjud);

istiqbolli karyerani nazarda tutgan qiziqarli mehnat faoliyati.

Ish tartibi: dushanbadan juma kuniga qadar.

Ish vaqti: 09:00 dan 18:00 gacha.

Dam olish kuni: shanba, yakshanba.

Hujjatlarni topshirish muddati: 2025-yil 9-iyun (shu kuni ham soat 18:00 ga qadar).

Nomzodlardan hr-dep@univ-silkroad.uz elektron manziliga va

 +99893 523-22-95 telegram raqamiga quyidagi ma’lumotlarni yuborishi so‘raladi:

Til bilish sertifikati.

Ma’lumotnoma va diplomlar.

Ma’lumot uchun telefon:

+998 66 240-67-73

+998 66 240-67-68