Barchaga ma’lumki, O’zbekistonda gender tenglik va gender masalalariga keng e’tibor qaratilmoqda. Xususan, 2019-yil 17-avgustda O’zbekiston Respublikasining “Xotin-qizlarni tazyiq va zo’ravonlikdan himoya qilish to’g’risida”gi Qonuni qabul qilindi. Yurtimizda ushbu qonunda belgilangan vazifalar bo’yicha tegishli sohalar kesimida chora-tadbirlar amalga oshirilmoqda.
“Ipak yo’li” turizm va madaniy meros xalqaro universitetida joriy yilning 19-yanvar kuni Xotin-qizlar maslahat kengashining navbatdagi “Ayolga bering dunyoni” mavzusidagi yig’ilishi noan’anaviy taarzda tashkil etildi. Kengash yig’ilishi universitet birinchi prorektori J.Eltazarovning “Gender zo’ravonlik sabablari va oqibatlari” haqidagi ma’ruza bilan ochildi. Ma’ruzada yurtimizdagi gender masalalariga tegishli statistik ma’lumotlar berildi, oilaviy zo’ravonlikning kelib chiqich sabablari, gender muammolariga e’tibor qaratishning global asoslari borasida kengqamrovli va asosli munosabat bildirildi. Yoshlar bilan mahallabay ishlash va tadbirlar bo’limi boshlig’I N.Abduvahidova xotin-qizlarning ijtimoiy faolligini, ilmiy salohiyatini, huquqiy savodxonligini oshirish borasida universitetda rejalashtirilgan hamda amalga oshirilayotgan chora-tadbirlar xususida to’xtalib o’tdi. Shuningdek, universitet huquqshunosi O.Absamiyev, Kasaba uyushmasi raisi S.Matlabovlar ham so’zga chiqib, xotin-qizlar uchun yaratilayotgan sharoitlar, chora-tadbirlar xususida gapirib o’tdilar.
Yig’ilish davomida Xotin-qizlar kengashi raisi M.Abbasova boshchiligida “Oilaviy tinchlik sabablari”, “Sizning ushalmas orzungiz”, “Baxtli bo’lishning sharti”, “ Atrofdagilarning sizga nisbatan fikriga munosabatingiz”, “Universitetdagi axloqiy masalalar yuzasidan mavjud holatlarga munosabatingiz” kabi qiziqarli savol va topshiriqlar asosida turli treninglar tashkil etildi, xotin-qizlar tomonidan “Baxt daraxti” yaratildi, ishtirokchilarga kofe hamda shirinliklar taqdim etildi. Shuningdek, rahbariyat va xodimlardan “Gender tengligi” mavzusi doirasida test-so’rovnomasi o’tkazildi.
