Yangiliklar: Mart 2024

Spiker: Dr FU Jing
Dotsent

Turizm va madaniyat sanoati maktabi, Chengdu universiteti, Xitoy.

Tadqiqot yo‘nalishlari: Menejment, turizm va mehmondo‘stlik ta’limi.

Moderator: Turizm kafedrasi mudiri, Dr. Akmaljon Odilov

Mavzu: Turizmni barqaror boshqarishda manfaatdor tomonlarning roli.

O‘tkazilish joyi: 229-ma’ruza zali.

Vaqt: 11:00 - 12:00, 2024 yil 14 mart (payshanba)

Bugun ertalabdan 8-mart xotin-qizlar bayrami munosabati bilan universitetimiz rahbariyati, kasaba-uyushma qo‘mitasining boshlang‘ich tashkiloti, bo‘lim boshliqlari hamda xodimlaridan iborat yigitlar universitetimizning barcha xotin-qizlarini bayramona ruhda kutib olishdi. Maxsus harbiy orkestr kuyi sadolari ostida har bir xotin-qizlarimizga gul sovg‘a qilinib, bayramona tilaklar bildirildi. Shu munosabat bilan barcha universitetimiz xotin-qizlarini ushbu bayram bilan chin yurakdan qutlab qolamiz.

Bugun “Ipak yo'li” turizm va madaniy meros xalqaro universiteti tasarrufidagi Xiva turizm va madaniy meros texnikumida Turizm qo'mitasi bilan hamkorlikda xorijiy mutaxassislarni jalb qilgan holda umumiy ovqatlanish shoxobchalarida ko'rsatiladigan xizmatlar sifatini yanada yaxshilashga qaratilgan seminar tashkil etildi. Seminarda mehmonxona va restoran vakillari hamda texnikumning "Mehmonxona" va "Umumiy ovqatlanish xizmatlarini tashkil etish" yo'nalishi talabalari  ishtirok etishdi.

Seminar-trening Rossiya Federatsiyasidan tashrif buyurgan oliy toifali mutaxassis Mashkov Aleksandr Yurievich tomonidan olib borildi.

Seminar yakunida ishtirokchilar sertifikatlar bilan taqdirlanishdi.

2024-yil 6-mart kuni “Ipak yo‘li” turizm va madaniy meros xalqaro universitetida 8-mart "Xalqaro xotin-qizlar" kuni munosabati bilan  ayol professor o'qituvchilar va xodimalar o'rtasida "Sog'lom hayot – sog‘lom kelajak" shiori ostida "Quvnoq startlar" musobaqasi o'tkazildi. 

Yoshlar bilan mahallabay ishlash va tadbirlar bo‘limi,  xotin-qizlar kengashi hamda sport klubi tashabbusi bilan tashkil etilgan bellashuvlarda jamoalar basketbol to'pi bilan harakatlanish, raketkada to'pni belgilangan manzilga yetkazish hamda jamoaviy arqon tortish bo'yicha o'zaro kuch sinashdilar.   

Qiziqarli va murosasiz kechgan  bellashuvlarda g'olib va sovrindorlar aniqlanib, diplom, kubok hamda esdalik sovg'alari bilan taqdirlandi.

Natijalarga ko'ra, universitetning ayol professor-o'qituvchilari hamda xodimlaridan tashkil topgan "Guzallar" va “Yulduzlar” jamoalari mutloq g'olib deb topildi.

8-mart Xalqaro xotin-qizlar kuni munosabati bilan 5-mart kuni “Ipak yo‘li” turizm va madaniy meros xalqaro universiteti talabalari ishtirokida sportning badminton turi bo‘yicha o‘g‘il-qizlar o‘rtasida musobaqa tashkil etildi.

 Keyingi yillarda universitetimizda badminton sport turi universitet talabalari orasida keng ommalashib bormoqda. Natijada talaba-yoshlar o‘rtasida bu sport turiga bo‘lgan qiziqish kun sayin oshib borayapti.

Musobaqa yakuniga ko‘ra, g‘olib ishtirokchilar musobaqa tashkilotchilari tomonidan munosib taqdirlandi.

Universitetimizning mehmonxona biznesi yo’nalishi 2-bosqich talabasi Ruxshona Erkinova yoshlarga yaratib berilayotgan imkoniyatlar oqilona foydalanib kelayotgan yoshlardan biri hisoblanadi. Ruxshona hozirda NGS&TNC, ichimlik suv va jamiyatni muhofaza qilish bo'yicha masofaviy tajriba o'tkazmoqda.

Ruxshona Erkinova IELTS imtihonida bepul joy olish uchun o‘tkazilgan tanlov jarayonida g‘olib bo‘ldi va ushbu imkoniyatga ega bo‘ldi.

“Ingliz tilidan imtihon topshirish mening bu bahorda amalga oshirishim kerak bo’lgan rejalarimdan edi, chunki bu meni dunyodagi imkoniyatlarga va yaqinda tashkil qilinishi rejalashtirilgan volontyorlar yozgi lageriga munosibligimni oshiradi. Rejalarimning birini amalga oshirishimga yordam bergani uchun ushbu mukofot tashkilotchilariga minnatdorchilik bildirmoqchiman”,-deydi Ruxshona Erkinova.

Oliy ta’lim, fan va innovatsiyalar vazirligi huzuridagi Oliy attestatsiya komissiyasi raisi, professor Ahmadbek Yusupov universitet huzuridagi ilmiy darajalar beruvchi ilmiy kengashlar va ularning qoshidagi ilmiy seminarlar raislari hamda kotiblari bilan ochiq muloqot o‘tkazdi.

Anjumanda “Ipak yo‘li” turizm va madaniy meros xalqaro universiteti mutasaddi xodimlari va tadqiqotchilari ham ishtirok etdi.

Uchrashuvda Ahmadbek Yusupov Oliy attestatsiya komissiyasida olib borilayotgan islohotlar yuzasidan fikrlarini bildirdi.

Muloqot savol va javob tarzida davom ettirilib, kengash raislari, kotiblari hamda dissertantlar o‘zlarining ilmiy ishlari bilan bog‘liq savollarga atroflicha javob berdi.

2024-yil 12-mart kuni soat 15:00da “Ipak yo‘li” turizm va madaniy meros xalqaro universiteti faollar zalida o‘‘quv ishlari bo‘yicha prorektor Joseph Hoffmann tomonidan “Tezis va ilmish ish turlari” mavzusida barcha kafedra o‘qituvchilari uchun seminar bo‘lib o‘tadi.

Bugun 5-mart kuni universitetimiz faollar zalida O‘zbekiston Respublikasi Prezidenti tomonidan ilgari surilgan 5 ta muhim tashabbus ijrosini ta’minlash va talaba-qizlarni qo‘llab-quvvatlashga doir davlat siyosatini samarali amalga oshirish, ularning huquqlari va qonuniy manfaatlarini himoya qilish hamda oilaviy hayotga tayyorlash maqsadida iqtidorli yoshlar ishtirokida “Ledi Turizm” ko‘rik-tanlovi o‘tkazildi. Tanlovda universitetimizning barcha bosqichlarida ta’lim olayotgan besh nafar zukko va bilimdon talabalari ishtirok etishdi.

Tanlovning birinchi sharti o‘zini tanishtirish bo‘lib, unda barcha talaba-qizlarimiz o‘qish davomida erishgan muvaffaqiyatlari xususida hakamlar hayatiga va ishtirokchilarga gapirib berdi. Shundan so‘ng tanlov ishtirokchilari test savollariga javob berish, karving va sahna ko‘rinish kabi beshta shart bo‘yicha o‘z iqtidorlarini namoyish qilish bilan birga, xalqimizning milliy qadriyatlari va urf odatlarini turli sahna ko‘rinishlari orqali ko‘rsatib berishdi.

Eng zukko va bilimdon bo‘lgan talaba-qizlarimiz g‘olib deb topildi va “Ledi Turizm” nomiga munosib deb topildi.

Toshkent shahridagi Vestminster universitetida Britaniya kengashi hamda O'zbekiston Respublikasi Oliy ta'lim, fan va innovatsiyalar vaziriligi bilan hamkorligida tashkil etilgan O'zbekiston-Buyuk Britaniya OTMlari forumida “Ipak yo‘li” turizm va mdaniy meros xalqaro universitetining Xalqaro hamkorlik bo'limi boshlig'i Sardorbek Samaridinov va Ilmiy tadqiqotlar bo'limi yetakchi mutaxassisi Orzubek Inoyatovlar ishtirik etishdi.

Forum doirasida dunyoda o'z nufuziga ega Advance HE va University of Sunderland universitetlari bilan hamkorlik o'rnatish imkoniyatlari haqida muzokaralar olib borildi. Buyuk Britaniya universitetlari ham hamkorlik qilishga tayyor ekanliklarini bildirib o'tishdi.